۸صبح، کابل: په سویس کې د افغانستان سفیر نصیراحمد اندیشه وايي چې د افغانستان تمدني میراث پر حکمت، څېړنې، طبابت او فلسفې ولاړ دی، نه انزاو او وېرې.
انديشه پنجشنبه د لړم پر ۲۱مه په اېکس پاڼه کې لیکلي چې د ابنسینا (ابوعلي سینای بلخي) د درناوي په مراسمو کې یې د افغانستان په استازولۍ ګډون کړی دی.
نوموړي زیاته کړې چې د ابنسینا اثار ښيي چې افغانستان داسې تمدني مخینه لري چې پر حکمت، څېړنې او فلسفې ولاړه ده.
هغه د افغان ښځو او نجونو پر زدهکړو بندیز ته په اشارې ویلي چې د ابنسینا نمانځنه یوازې د تېر تاریخ یادونه نه ده، بلکې د هغو لاسته راوړنو یادونه ده چې افغانانو نړۍ ته وړاندې کړې دي.
نوموړي ټينګار کړی چې افغانستان لا هم په نړیواله ټولنه کې فعال حضور لري او راتلونکو نسلونو ته د خپل علمي او کلتوري میراث لېږدولو ته ژمن دی.
