د امریکا ولسمشر ډونالډ ټرمپ ویلي چې نوموړي ته ارزښت نه لري چې د فارس خلیج هېوادونه له ایران سره د هرمز تنګي د راتلونکې په اړه خبرې وکړي.
الجزیرې یکشنبه د سپټمبر پر ۱۳مه راپور ورکړی چې ټرمپ دا څرګندونې له خبریالانو سره په خبرو کې کړې دي.
ټرمپ ویلي چې د فارس خلیج هېوادونه دې خپله پرېکړه وکړي چې غواړي د هرمز تنګي په اړه له ایران سره خبرې وکړي که نه.
نوموړي یو ځل بیا ادعا کړې چې ایران د هوکړې غوښتونکی دی او پایلې ته د رسېدو لپاره په دوامداره توګه اړیکه نیسي.
د امریکا ولسمشر ویلي چې جګړه به د امریکا له منځمهاله ټاکنو مخکې یا وروسته د نومبر پر درېیمه پای ته ورسېږي او ورسره به د تېلو بیې هم راولوېږي.
