د امریکا ولسمشر ډونالډ ټرمپ، ایران ته خبرداری ورکړی چې که پر واشنګټن بريد وکړي، له بې سارو پایلو سره به مخ شي.
فاکس نیوز سه شنبه د نومبر پر ۱۷مه، راپور ورکړی چې ټرمپ دا څرګندونې د سياېناېن د یوه راپور په غبرګون کې کړې دي.
د دغه راپور له مخې، ایران د داسې یوه پلان د ارزونې په حال کې دی چې له مخې به یې د امریکا په پلازمېنه کې د ټرمپ د ادارې پر لوړپوړو چارواکو د کیمیاوي بم په وسیله د ترور هڅه وشي.
ټرمپ همداراز ویلي چې غواړي د چین له ولسمشر سره په کتنه کې له هغه وغواړي چې د ایران د جګړې په پای ته رسولو کې مرسته وکړي.
دا په داسې حال کې ده چې د ایران د بهرنیو چارو وزارت مرستیال پر واشنګټن د برید لپاره د کیمیاوي وسلو د کارولو احتمال رد کړی دی.






