۸صبح، هرات: د هرات سیمهییزې سرچینې په دغه ولایت کې له ترکمنستانه د وارداتي برېښنا د پرې کېدو خبر ورکوي.
سرچینو ۸صبح ورځپاڼې ته ویلي چې هرات ته له ترکمنستانه وارده شوې برېښنا شنبه د مرغومې پر ۱۵مه شاوخوا ۹:۳۰ بجې د دغه ولایت د کشک رباطسنګي ولسوالۍ د بغرچر بند په سیمه کې پرې شوې ده.
د برېښنا د پرې کېدو لامل د مزو کنګل کېدل بلل شوي دي.
طالبانو ویلي چې په سیمه کې د برېښنا د پرې کېدو ستونزې د حل په موخه هڅې روانې دي.
څه موده مخکې هم د هرات برېښنا پرې شوې وه.
د هرات اوسېدونکي د ژمي په موسم کې د برېښنا پرچاوۍ سخت اندېښمن کړي او طالبان په دې برخه کې پر بېکفايتۍ تورنوي.
افغانستان د اړتیا وړ برېښنا ډېره برخه له ایران، ازبکستان او ترکمنستان څخه تأمینوي.
