۸صبح، هلمند: سیمهیېزې سرچینې وايي چې په هلمند کې د یوې ترافیکي پېښې له امله دوه کسان مړه او اووه نور ټپیان شوي دي.
سرچینو چهارشنبه د وږي پر ۲۵مه له ۸صبح ورځپاڼې سره په خبرو کې وویل چې دغه پېښه نن له غرمې وروسته د مارجې او نادعلي ولسوالیو ترمنځ پر لویه لار رامنځته شوې ده.
د سرچینو په خبره، دا پېښه د دوو موټرو د ټکر په پایله کې رامنځته شوې او ټپیان د درملنې لپاره د لښکرګاه ښار مرکز ته انتقال شوي دي.
سرچینو د ځینو ټپیانو روغتیايي وضعیت د اندېښنې وړ بللی او د موټرچلوونکو بېاحتیاطي یې د دې پېښې اصلي لامل ګڼلی دی.
دا په داسې حال کې ده چې په وروستیو کې د افغانستان په بېلابېلو برخو کې ترافیکي قوانینو ته نه پاملرنه، د سړکونو خرابوالۍ او د موټرچلوونکو د بېاحتیاطۍ له امله ترافیکي پېښې زیاتې شوې دي.
