۸صبح، پکتیا: په پکتیا ولایت کې ځايي سرچینې وايي، د یوې ترافیکي پېښې له امله دوه کسان مړه شوي او یو بل ټپي شوی دی.
د سرچینو په وینا، دغه پېښه د پنجشنبې پر سهار د تلې پر ۲۳مه، د زرمت ولسوالۍ په اړوند سیمه کې د پکتیا ـ پکتیکا لویې لارې په اوږدو کې په سورکي سیمه کې شوې ده.
پېښه د کرولا موټر او یوه هینو ډوله موټر د ټکر له امله شوې ده.
د افغانستان پر لویو لارو او سړکونو ترافیکي پېښې لا هم د خلکو د مرګژوبلې له مهمو لاملونو دي.
له ټاکلي حده زیاته چټکتیا، د موټرچلوونکو بېاحتیاطي او د موټرو ټکر هغه عوامل دي چې د مرګونو ترافیکي پېښو د رامنځته کېدو لامل کېدای شي.
