۸صبح، کابل: د کډوالو په چارو کې د ملګرو ملتونو عالي کمېشنري (UNHCR) وايي، د کاروبارونو د پیل او د کاری بوختیاوو په برابرولو کې د هغو افغانانو ملاتړ کوي چې بېرته خپل هېواد ته راستانه شوي دي.
نوموړي سازمان چهارشنبه د تلې پر ۲۲مه پر اېکسپاڼه لیکلي چې ځينو د دغه بنسټ او د جاپان د نړیوالې همکارۍ ادارې (JICA) په ملاتړ په افغانستان کې خپل کاروبارونه بېرته پیل کړي دي.
ملګرو ملتونو زیاته کړې چې د دغه پروګرام له لارې هغو ښځو ته هم چې افغانستان ته راستنې شوې او بې ځایه شویو کورنیو ته د کار زمینه برابروي.
دا په داسې حال کې ده چې له ګاونډیو هېوادونو په ځانګړې توګه له ایران او پاکستان څخه د افغان کډوالو د جبري ایستلو لړۍ لا روانه ده.
ورته مهال د طالبانو مرستیال ویاند حمدالله فطرت ویلي چې پرون ۱۶۲ کورنۍ په جبري ډول افغانستان ته راستنې شوې دي.
