۸صبح، کابل: په افغانستان کې د ملګرو ملتونو د وګړو صندوق د نجلۍ د نړیوالې ورځې په مناسبت د ماشومانو د ودونو د پای ته رسولو او د نجونو د حقونو د خوندیتوب لپاره د پانګونې غوښتنه کړې ده.
دغه بنسټ یکشنبه د تلې پر۱۹مه، خبرداری ورکړی چې په کم عمر کې امیندواري د ځوانو میندو لپاره جدي خطرونه رامنځته کوي.
دغه بنسټ زیاته کړې چې روغتیايي خدمتونو او د میندو د پاملرنې خدمتونو ته پر وخت لاسرسی د انسانانو ژوند ژغورلای شي.
د ملګرو ملتونو د وګړو صندوق ټینګار کړی چې روغتیايي خدمتونو او مناسبو مراقبتونو ته لاسرسی د میندو له روغتیا او د ټولنو له پیاوړتیا سره مرسته کوي.
