په جنیوا کې د ملګرو ملتونو بنسټ اعلان کړی چې په ۲۱مه پېړۍ کې د اعدام سزا ځای نه لري.
دغه بنسټ یکشنبه د اکتوبر پر ۱۸مه په اېکسپاڼه کې لیکلي چې ډېرو هېوادونو د اعدام سزا لرې کړې یا یې د دې سزا پلي کول ځنډولي دي.
ملګرو ملتونو ټینګار کړی چې د اعدام سزا د جرمونو په مخنیوي او د قربانیانو لپاره د عدالت په ساتلو کې د پام وړ اغېز نه لري.
یاد سازمان د دغه پیغام په خپرولو د اعدام سزا د پای ته رسولو غوښتنه کړې ده.
مخکې هم د بشري حقونو نړېوالو بنسټونو د اعدام سزا له پلي کېدو سره مخالفت کړی او د دغې سزا د لرې کېدو غوښتنه یې کړې ده.
د دغو بنسټونو په خبره، د اعدام سزا له حق او انساني کرامت سره په ټکر کې ده او جرمونو ته دې د سزا په توګه نه کارول کېږي.
