۸صبح، کابل: د کډوالو په چارو کې د ملګرو ملتونو عالي کمېشنري (UNHCR) اعلان کړی چې د جون له میاشتې راهیسې یې د تورخم په دروازه کې افغان راستنېدونکو کډوالو ته نږدې ۵۰ زره کڅوړې ګرم خواړه وېشلي دي.
دغه بنسټ چهارشنبه د وږي پر ۲۵مه، پر اېکس لیکلي چې هره ورځ راستنېدونکو ته تر دوو زرو پورې کڅوړې ګرم خواړه او نغدي مرستې برابروي.
یوناچسیآر زیاته کړې چې د تورخم په دروازه کې د افغان راستنېدونکو کډوالو ملاتړ لا هم دوام لري.
دا مرستې په داسې حال کې وېشل کېږي چې طالبانو اعلان کړی، پرون تر زرو ډېر افغان کډوال هېواد ته راستانه شوي دي.
د طالبانو په وینا، له دغو کډوالو څخه تر ۴۰۰ ډېر یې د تورخم له لارې افغانستان ته راغلي دي.
