۸صبح، کابل: د ملګرو ملتونو د بشري استوګنې پروګرام (هبیټاټ) ویلي دي، تمه کېږي تر ۲۰۶۰ زېږدیز کال پورې به په افغانستان کې له هرو دوو کسانو ه یو تن په ښارونو کې ژوند وکړي.
هبیټاټ پنجشنبه د چنګاښ پر ۱۱مه پر خپله اېکس پاڼه لیکلي، له دې سره سره، ډېری ښارونه داسې چټکې ښار مېشتېدنې ته چمتو نه دي.
دغه نړیوال بنسټ ټینګار کړی چې د ژوند مناسب او خوندي چاپیریال ته په لومړیتوب ورکولو سره، داسې ښارونه جوړېدای شي چې هرڅوک د ژوند له ښه کیفیته خوند اخلي.
بلخوا، په افغانستان کې ښارونه په پراخه کچه د خلکو د ښاري کېدو لپاره له مناسبو بنسټونو، لکه د اوبو رسولو سیسټم، فاضلاب، برېښنا، ټرانسپورټ او معیاري ودانیو بېبرخې دي.
