۸صبح، کابل: د کډوالۍ نړیوال سازمان (IOM) اعلان کړی چې د ۲۰۲۶ کال د اپریل له میاشتې تر جون پورې، ۱.۰۷ میلیونو وګړو له ایران او پاکستان سره د افغانستان له پولو اوښتي دي.
نوموړي بنسټ یکشنبه د زمري پر ۲۵مه په تازه راپور کې ویلي چې د ۲۰۲۶ کال په دویمه ربع کې ټول ۸۶۶ زه او ۵۷۹ کسان افغانستان ته راغلي چې ۶۸ سلنه یې بېرته راستنېدونکي و.
د راپور له مخې، په دې موده کې د سرحدونو له لارې تګ راتګ د روان کال د لومړۍ ربعې پرتله ۲۹ سلنه زیات شوی او له هرو پنځو کسانو څلور یې افغانستان ته دننه شوي دي.
ملګرو ملتونو ویلي چې ډېر بېرته راستنېدونکي له هېواده د وتلو فشار، شړل کېدو، د کاروبار له لاسه ورکولو او له افغانستانه د بهر ژوند سخت شرایط د بېرته ستنېدو لاملونه دي.
د کډوالۍ نړیوال سازمان زیاته کړې چې د دغو کسانو له ډلې ۵۶ سلنه راستنېدونکو چې له ایرانه افغانستان ته راغلي، ویلي چې ایستل شوي دي.
همدارنګه ۶۶ سلنه وګړو چې له پاکستانه راستانه شوي، ویلي چې د ناامنۍ احساس یې کاوه یا له دغه هېواده د وتلو فشار پرې و.
