۸صبح، کابل: د مخدره توکو او جرمونو پر وړاندې د ملګرو ملتونو دفتر (UNODC) وايي چې په افغانستان کې د ښځو پر حقوقو محدودیتونو، د بشري مرستو کمېدو او د افغانانو د جبري راستنېدو په ګډون هممهالو ناورنیونو د جرم، استثمار او ناامنیو خطر زیات کړی دی.
دغه دفتر سه شنبه د تلې پر ۷مه، ویلي چې پر دغو ننګونو غور نه یوازې د افغانستان د راتلونکي، بلکې د سیمهییز او نړیوال امنیت د ساتلو لپاره هم خورا اهمیت لري.
دغه بنسټ زیاته کړې چې د ښځو او نجونو پر حقوقو محدودیتونه، د کوکنارو پر کروندو د متکي کلیوالي اقتصاد کمزورتیا، د بشري مرستو کمښت او له ګاونډیو هېوادونو د افغانانو پراخه راستنېدنه له هغو ناورینونو دي چې په افغانستان کې یې شته زیانمنتیا ته هم پراختیا ورکړې ده.
د مخدره توکو او جرمونو پر وړاندې د ملګرو ملتونو دفتر ټینګار کړی چې هر یو دا فشار کولای شي د جرم، استثمار او ناامنیو خطر لوړ کړي.
