۸صبح، هرات: د ملګرو ملتونو د بشري استوګنې پروګرام (UN-Habitat) ویلي چې د هرات په زنده جان ولسوالۍ کې د یوه روغتیايي مرکز په بیارغولو سره، هره ورځ د څه باندې ۳۵۰ ناروغانو لپاره روغتیايي خدمتونو ته د لاسرسي زمینه برابره شوې ده.
دغه بنسټ شنبه د زمري پر ۲۰مه، ویلي چې دغه مرکز د جاپان د نړیوالې همکارۍ ادارې (JICA) په ملاتړ بیارغول شوی دی.
د UN-Habitat په وینا، د کلینیک ودانۍ، د اوبو رسولو سیسټم، روغتیايي تاسیسات او د انتظار خونه بیارغول شوي دي.
زنده جان د هرات له هغو ولسوالیو ده چې په تېرو کلونو ک د طبیعي پېښو او روغتیايي بنسټونو د زیانمنېدو له امله د روغتیايي امکاناتو له کمښت سره مخ شوې ده.
په دې ولسوالۍ کې د روغتیايي بنسټونو ښه کېدل کولای شي روغتیايي او طبي خدمتونو ته د اوسېدونکو لاسرسی زیات کړي.
