۸صبح، کابل: د کډوالۍ نړیوال سازمان (IOM) ویلي چې په نورستان کې شدیدو سېلابونو پر ځايي ټولنو اغېز کړی او د راپورونو له مخې، په دغو سېلابونو کې مرګژوبله رامنځته شوې، ځینې کسان ټپیان شوي او کورونو، بنسټیزو تاسیساتو او کرنیزو ځمکو ته یې زیانونه اړولي دي.
نوموړي بنسټ سهشنبه د چنګاښ پر ۳۰مه په اېکس کې لیکلي چې د لټون او ژغورنې د هڅو د دوام تر څنګ، د دغه سازمان ډلې په سیمه کې دي او د بېړنیو اړتیاوو د معلومولو لپاره چټکې ارزونې کوي.
له دې مخکې پېښو ته د چمتوالې ادارې خبر ورکړی و چې په دغو سېلابونو کې ۲۳ کسان مړه، ۸۰ ټپیان او نږدې ۱۰۰ نور لادرکه دي.
