۸صبح، کابل: د ملګرو ملتونو د بشري استوګنې پروګرام (UN-Habitat) اعلان کړی چې افغانستان ته د میلیونونو کډوالو بېرته ستنېدو د دغه هېواد پر ښاري، نیمهښاري او کليوالو سیمو فشارونه زیات کړي دي.
دغه سازمان سهشنبه د چنګاښ پر ۱۶مه راپور ورکړی چې یوازې په ۲۰۲۵ کال کې شاوخوا ۲.۸ میلیونه کسان دغه هېواد ته راستانه شوي دي.
د راپور له مخې، احتمال شته چې په روان ۲۰۲۶ کال کې هم نږدې دوه میلیونه نور کسان هېواد ته راستانه شي.
ملګرو ملتونو زیاته کړې، د راستنېدونکو د شمېر زیاتوالي د پایېدونکو استوګنځایونو د جوړولو، د کورونو د تامین او د ټولنیزو بیخ بنسټونو د پراختیا اړتیاوې خورا ډېرې کړې دي.
د ملګرو ملتونو د بشري استوګنې پروګرام ویلي، د دغو څېړنو موخه په هېواد کې د راستنېدونکو د بېرته یوځای کېدو د ملاتړ لپاره په ښارګوټو کې د پانګونې په تړاو له پلان جوړونې او پرېکړې کولو سره مرسته کول دي.
تر دې وړاندې ملګرو ملتونو په یوه راپور کې اعلان کړی و چې افغانستان د نړۍ د بېځایه شویو له یوه تر ټولو ستر ناورین سره مخ دی.
