۸صبح، کابل: په افغانستان کې د ملګرو ملتونو مرستندوی پلاوي (یوناما) ویلي چې پر کونړ د پاکستان په هوايي بریدونو کې د یوه نارینه، یوې ښځې او یوې نجلۍ په ګډون، درې ملکي وګړي وژل شوي او څلور نور ټپیان دي.
یوناما دوشنبه د وږې پر ۳۰مه په اېکسپاڼه کې لیکلي چې دا پېښه نن سهار وختي شوې ده.
یوناما ویلي چې دا هوايي بریدونه «ښکاره» و او په پایله کې یې لږ تر لږه درې ملکي وګړي وژل شوي دی.
د یوناما د معلوماتو له مخې، دغه بنسټ د ۲۰۲۶ کال له پیله په افغانستان کې د کرښې پورې غاړې د وسلهوال تاوتریخوالي له امله د ملکي وګړو د مرګ ژوبلې تر یوولس سوو زیاتې پېښې ثبت کړې دي.
یوناما یو ځل بیا د نړیوال بشردوستانه قانون د رعایت پر اړتیا ټینګار کړی او د ملکي وګړو د مرګ ژوبلې د مخنیوي لپاره یې د اړینو اقداماتو غوښتنه کړې ده.
دغه بنسټ مخکې هم په افغانستان کې پر ملکي وګړو د کرښې پورې غاړې د نښتو د اغېزو په اړه اندېښنه څرګنده کړې وه.
