۸صبح، کابل: د ملګرو ملتونو د ماشومانو د ملاتړ صندوق (یونیسف) خبر ورکړی چې د اروپايي ټولنې په ملاتړ په افغانستان کې ګڼ شمېر ماشومانو خوندي ښوونیز چاپېریال ته لاسرسی موندلی دی.
نوموړي بنسټ دوشنبه د چنګاښ پر ۲۲مه په خواله شبکې اېکس کې لیکلي چې د درسي ټولګیو جوړول ماشومانو ته دا فرصت ورکوي څو په خوندي چاپېریال کې زدهکړې وکړي، خپلې موخې وڅاري او غوره راتلونکې ته چمتو شي.
له دې مخکې هم یونیسف ټينګار کړی و چې د ښوونیزو مرکزونو جوړول په ځانګړې توګه په لرې پرتو سیمو کې زدهکړو ته د ماشومانو د لاسرسي او په افغانستان کې د ښوونیز کړکېچ د پایلو په کمولو کې مهم رول لري.
