د ملګرو ملتونو د ماشومانو د ملاتړ صندوق (یونیسف) ویلي چې هر کال نږدې ۱۲ میلیونه نجونې له ۱۸ کلنۍ مخکې واده کوي.
دغه بنسټ دوشنبه د اکتوبر پر ۱۹مه په اېکس پاڼه کې لیکلي چې کم عمره ودونه له نجونو د انتخاب حق اخلي او هغوی د زدهکړو له دوامه محرومولی شي.
د یونیسف په خبره، په کم عمرۍ کې واده د ژر امیندوارۍ ګواښ زیاتوي او د غوره راتلونکې او پرمختګ لپاره د نجونو فرصتونه محدودوي.
یاد بنسټ ټينګار کړی چې هره نجلۍ حق لري زدهکړې وکړي، د خپل ژوند په اړه پرېکړه وکړي او په ټولنه کې یې غږ واورېدل شي.
یونیسف له خلکو غوښتی چې په کم عمرۍ کې د ودونو مخنیوی او د نجونو له حقونو ملاتړ وکړي.
