وېسټ: د مرسل نبيزاده د قتل د عاملانو پېژندلو لپاره جدي څېړنې ته اړتیا ده
۸صبح، کابل: د مخکیني پارلمان د یوې غړې د مرموزې وژنې پروړاندې د نړیوالو غبرګونونو په دوام د افغانستان د سولې لپاره د امریکا د بهرنیو چارو وزارت ځانګړي استازي په دې تړاو د جدي څېړنې غوښتنه کړې ده.
د افغانستان د سولې لپاره د امریکا د بهرنیو چارو وزارت ځانګړي استازي ټام وېسټ دوشنبه شپه د مرغومي پر ۲۶ په یوه ټویټ کې مرسل نبيزاده د افغانانو غږ بللې ده.
د وېسټ په وینا افغانانو خپله یوه بېلګه او مدافع له لاسه ورکړې ده.
د افغانستان د سولې لپاره د امریکا د بهرنیو چارو وزارت ځانګړي استازي لیکلي: «یوه جدي څېړنه باید مرسته وکړي ترڅو پر دې پوه شو، چې هغه چا وژلې ده.»
د مخکیني حکومت په ولسي جرګه کې د کابل خلکو استازې مرسل نبيزاده د روانې اونۍ په پيل کې شپهمهال کابل کې په خپل کور کې دننه ووژل شوه.
طالبانو له پېښې دوې شپې ورځې وروسته په دې تړاو د څېړنو د پیل خبر ورکړی دی.
