۸صبح، کابل: د روغتیا نړیوال سازمان ویلي چې د ۲۰۲۶ کال له جنورۍ میاشتې تر اوسه په افغانستان کې د کوویډ – ۱۹ له امله هېڅ مړینه نه ده ثبت شوې.
نوموړي بنسټ یکشنبه د تلې پر ۵مه راپور ورکړی چې په اګست کې په افغانستان کې د کوویډ – ۱۹، ۱۶۸ تایید شوې پېښې ثبت شوې دي.
د راپور له مخې، په اګست میاشت کې د تایید شویو پېښو شمېر د جولای د ۱۸۵ ثبت شویو پېښو پرتله ۹.۲ سلنه کم شوی دی.
د روغتیا نړیوال سازمان ویلي چې په اګست میاشت کې د کوویډ – ۱۹ شکمنې ۹۷۹ نمونې په عمومي لابراتوارونو کې ازمایل شوې دي.
د دغو ازموینو د مثبتو پایلو کچه ۱۷.۲ سلنه وه او د ازموینو شمېر په جولای میاشت کې د شویو یو زرو ۵۸۲ ازموینو پرتله ۳۸.۱ سلنه کم شوی دی.
