د افغان کرېکټ لوبډلې د یوه وتلي لوبغاړي مړینه

د افغانستان د کرېکټ ملي لوبغاړی نجيب الله ترکی چې څو ورځې مخکې د یوې سراچې موټر په يوه ترافيکي پېښه کې سخت ټپي شوى و، په روغتون کې يې ومړ.
د ننګرهار والي د جنازېلمانځه د اداء کولو وروسته د ارواښاد نجیب ترکی په مړینه خواشیني وښوده. هغه وویل: «په ډېره خواشینۍ سره چې د کرېکټ یو ستوری خدای رانه واخیست، د هغه مړینې له حده زیات ودردولم، ارواښاد په کم وخت کې ډېر وځلېده او ډېرو زړونو ته یې لاره ومونده، الله ج دې د جنتونو سردار کړي.» د افغانستان کرېکټ بورډ سرپرست اجرائیه رئيس نظیمجار عبدالرحيمزي د نجیب ترکي مړینه د افغانکرېکټ لپاره لویه ضایعه وبلله. د ملي لوبډلې پخواني روزونکي تاجملوک عالم او د ملي لوبډلې پخواني لوبغاړي کريم خان صادق د ارواښاد مړينه د کرېکټپه نړۍ کې په ځانګړي ډول د افغانستان لپاره لويه ضايعه وبلله او په وينا يې په مړينهیوازې افغانان نه؛ بلکې د نړۍ مشهور لوبغاړي او مينوال هم خواشيني شوي دي. د افغان کرېکټ دغه ځوان لوبغاړی، چې ډېر په شل اوریزو لوبو کې لوبېدلی، په ۲۰۱۴ کال کې نړیوال کرېکټ ته راغی او لومړی لوبه یې له بنګلدیش سره کړې وه.
افغان ولسمشر هم د نجیب ترکي پر مړینه خواشیني ښودلې ده او وېلي یې دي: «نجیب الله ترکی د افغانستان دکرېکټپه ملي لوبډله کې، د افغانستان لپاره ډېر ویاړونه راوړل او په نړیوالو ډګرونو کې یې ملي بیرغ ورپاوه؛مړینه یې د افغانستان او کرېکټ لپاره یوه لویه ضایعه ده.» په خواله رسنیو کې هم د نجیب ترکی پر مړینه خپګان ښودل شوی او د کرېکټ لپاره یې ضایعه بللې ده.
نجیب ترکی د افغانستان لپاره ټولټال په دوولسو شل اوریزو لوبو کې د یوې پنځوسیزې په ګډون ۲۵۸ منډې جوړې کړې وې.
خدایي مینه او رحمت یې په برخه اوسه!