۸صبح، روزګان: په روزګان کې ځايي سرچینې وايي چې په دغه ولایت کې یو ځوان ویشتل شوی دی.
سرچینو یکشنبه د لړم پر ۳مه ۸صبح ورځپاڼې ته وویل چې وسله والو دا ځوان بیګاه د دهراوود ولسوالۍ د مرکز اړوند سیمه کې وژلی دی.
د سرچینو په خبره، دا ځوان ظاهر اغا نومېده او تر اوسه یې د وژلو انګیزه څرګنده نه ده.
دا په داسې حال کې ده چې تېره جمعه په دایکندي کې هم ناڅرګندو وسلهوالو یو ځوان وژلی و.
په دې وروستیو کې د هېواد په بېلابېلو سیمو کې د جنايي پېښو ګراف لوړ شوی چې خلک یې اندېښمن کړي دي.
