۸صبح، پروان: په پروان کې سیمهیېزې سرچینې وايي چې طالبانو ۲۶ ورځې وړاندې د «هنروه بالا» په کلي کې ۱۳ کارګر نیولي او تر اوسه یې د برخلیک په اړه هېڅ معلومات نه شته.
سرچینو دوشنبه د تلې پر ۲۰مه ۸صبح ورځپاڼې ته وویل چې دا کسان له کوم جرم پرته نیول شوي او لا هم څرګنده نه ده چې چېرته ساتل کېږي.
د نیول شویو کسانو په ډله کې محمد انور، محمد علم، ګلستان، ملک هاشم، حمید خان، خیرالله، مهرالله، فضلالله، سیدالرحمان، حسامالدین، ګلسعید، خدایار او آغاګل شامل دي.
د سرچینو په وینا، د دغو کسانو له نیول کېدو وروسته د سیمې استازي له یو شمېر کلیوالو مشرانو سره سالنګ ولسوالۍ ته ورغلي، خو په ولسوالۍ کې د طالبانو مسوولانو د نیول شویو کسانو د برخلیک په اړه کره معلومات نه دي ورکړي.
سرچینې زیاتوي چې دوی د پروان مرکز ته هم د نیول شویو د حالت معلومولو لپاره ورغلي، خو هلته یې هم روښانه ځواب نه دی ترلاسه کړی.
دا په داسې حال کې ده چې طالبانو په تېرو پنځو کالو کې په بېلابېلو پلمو ځينې کسان نیولي او شکنجه کړي دي.
