۸صبح، کابل: ۱۷ افغانان چې ایران ته د کډوالۍ په موخه روان وو، د سراوان ولسولۍ د «روتک» په سرحدي سیمه «مکسوخته» کې د تندې له امله مړه شوي دي.
حالوش سازمان دوشنبه د وږي پر ۲۳مه، راپور ورکړی چې ې په مړو شویو کسانو کې د بغلان د یوې کورنۍ پنځه غړي یوه ۴۵ کلنه مور او د هغې څلور لوڼې چې عمرونه یې له ۱۴ تر ۲۲ کلونو پورې وو، هم شاملې دي.
د دغه سازمان په وینا، دا پېښه د پنجشنبې په ورځ، د وږي پر ۱۹مه، تر هغې وروسته وشوه چې سړي له دې ډلې جلا شول او ښځې او ماشومان په وچه دښته کې ایسار پاتې شول.
حالوش لیکلي، د مړو شویو کسانو مړي په سراوان کې د مړو د ساتلو د ځای دنشتوالي له امله خاش ښار ته لېږدول شوي دي.
