په رسنیو کې د ښځو د فعالیت ۱۸ سلنه کمښت؛ په نهو ولایتونو کې ښځینه خبریالانې نشته

د افغان خبریالانو د خونديتوب کمیټې په یوه راپور کې په رسنیو کې د ښځو د اتلس سلنه کمښت خبر ورکړی دی. ددغه رپوټ له مخې، په تېرو شپږو میاشتو کې په بېلابېلو لاملونو له هغې جملې امنیتي ګواښونو، هدفي وژنو، د کورونا ویروس د خپرېدو په پایله کې د مالي ستونزو او یا لږ معاش له امله ۳۰۰ ښځینه خبریالانو او د رسنیو کارکوونکو خپلې دندې له لاسه ورکړې دي.
دغه رپوټ چې د کب په اتلسمه نېټه د مارچ د اتمې چې د ښځو نړیواله ورځ ده خپور شوی، د خبریالانو د خوندیتوب کميتې ویلي چې په غور، نیمروز، سرپل، لغمان، پروان، کاپیسا، ارزګان، وردګو او لوګر ولایتونو کې هېڅ ښځینه خبریاله فعالیت نه لري.
په همدې توګه، په نورستان، کونړ، پکتیا، پکتیکا او زابل ولایتونو کې هم هېڅ یوه مېرمن په رسنیو کې کار نه کوي. دوې مېرمنې چې له دې مخکې یې په زابل او پکتیا ولایتونو کې په رسنیو کې دنده ترسره کوله اوس یې د امنیتي ګواښونو له امله دندې پرې اېښې دي.
د خبریالانو د خوندیتوب کمیټې په رسنیو کې د ښځو د فعالیت د کمښت په اړه اندېښنه څرګنده کړې او هغه یې په افغانستان کې د خبریالۍ کار د وضعیت د خرابېدو نښه بللې ده.
په دغه رپوټ کې د افغان خبریالانو د خوندیتوب کمیټې، د ۱۳۹۹ هجري لمریز کال په لومړیو شپږو میاشتو کې په ټول هېواد کې د څه د پاسه ۹۰ سلنه ښځینه خبریالانو په اړه مالومات راټول کړي دي.
ددغو څېړنو پر بنسټ په ټول هېواد کې یو زر او ۶۷۸ مېرمنو د رسنیو په بېلابېلو برخو کې کار کاوه خو اوس دا شمېر یو زر او ۳۷۷ تنو ته راکم شوی دی.
د رسنیو له دغو کارکوونکو یوازې ۳۲۱ تنه یې خبریالانې او نورې د بېلابېلو رسنیو په تولید او اداري برخو کې کار کوي.
د خبریالانو د خوندیتوب کمیټې د ارزونې له مخې، تر ډېره د کابل او له هغې وروسته د هرات او بلخ ولایتونو په رسنیو د ښځینه کارکوونکو شمېر زیات دی. په لوګر کې یوازې یوه مېرمن په رسنیو کې دنده ترسره کوي.
له بلې خوا، د خبریالانو د خوندیتوب کميټې رپوټ ورکړی چې په روان کال کې څلور ښځینه خبریالانې او د رسنیو کارکوونکې په مستقیمو او هدفي بریدونو کې و