۸صبح، غزني: په غزني کې ځايي سرچینې وايي چې په دغه ولایت کې د یوې ناچاودې هاوان سرګلولې په چاودنه کې یو ۱۷ کلن ځوان مړ شوی دی.
سرچینو شنبه د لړم پر ۹مه ۸صبح ورځپاڼې ته وویل چې دا پېښه د غزني د اببند ولسوالۍ په «بدر» کلي کې شوې ده.
د سرچینو په خبره، ځوان د هاوان مرمۍ له موندلو وروسته اور وراچولی چې پرې چاودلې ده.
د سرچینو په خبره، دا ځوان محمداکبر نومېده او شپون و.
د یادونې ده چې درې ورځې مخکې په ننګرهار کې هم د یوې ناچاودې هاوان مرمۍ په چاودنه کې یو ماشوم مړ شوی و.
