د ایران د وسلهوالو ځواکونو رییس علي عبداللهي امریکا او اسراییل ته خبرداری ورکړی چې پر دغه هېواد هر ډول برید به له پراخ غبرګون سره مخ شي.
عبداللهي شنبه د اکتوبر پر ۳۱مه ویلي چې د ایران وسلهوالو ځواکونو د «دوښمن» تازه موخې او شتمنۍ موندلې او د خپلو اهدافو په نوملړ کې یې شاملې کړې دي.
نوموړي زیاته کړې چې ایران به یې وټاکي چې نوې احتمالي جګړه به څه وخت پای ته رسېږي او هر ډول دوښمنانه اقدام د ځواب لپاره به لومړني برید ته تم نه شي.
دغه ایراني چارواکي ویلي چې د هر ډول دوښمنانه نښې په لیدو به تهران د غبرګون وخت او څرنګوالی ټاکي.
