۸صبح، بدخشان: سیمهییزې سرچینې وايي چې د فهیم مختار په نوم یو ۲۳ کلن پهلوان د وزلوبې سیالیو پر مهال له اسپه لوېدلی او مړ شوی دی.
سرچینو پنجشنبه د لړم پر ۲۱مه ۸صبح ورځپاڼې ته وویل چې دا پېښه نن د وزلوبې سیالیو پر مهال شوې ده.
د سرچینو په خبره، فهیم مختار له اسپه تر لوېدو وروسته ژوند بایللی دی.
دا پېښه داسې مهال شوې چې ټاکل شوې په راتلونکې نږدې یوه میاشت کې د کابل په کوربتوب د وزلوبې غوره لیګ سیالۍ پیل شي.
