د روسیې ولسمشر ولادیمیر پوتین وایي چې په اوکرایین کې د هر ډول بهرنیو ځواکونو حضور د مسکو لپاره د منلو نه دی او په وینا یې د روسیې ملي امنیت ګواښي.
د روسیې ټاس خبري اژانس پنجشنبه د نومبر پر ۱۲مه راپور ورکړی چې پوتین دا څرګندونې له امریکایي مذاکرهکوونکو سټیو وېټکاف او جرد کوشنر سره په لیدنه کې کړې دي.
پوتین ویلي چې روسیې له پیله ټینګار کړی چې په اوکرایین کې د بهرنیو ځواکونو حضور نه مني؛ ځکه د مسکو په باور، دا ډول اقدام د روسیې امنیت له ګواښ سره مخ کوي.
هغه زیاته کړې چې د استانبول د خبرو پر مهال هم ښکېلو لورو په له دې موضوع سره موافقه کړې وه او تر اوسه په ښکاره هېڅ لوري له دغه دریځ سره مخالفت نه دی کړی.
