۸صبح، کابل: د ملګرو ملتونو د ماشومانو د ملاتړ صندوق (یونیسف) ویلي چې د ګېټس بنسټ په ملاتړ پر شدیدې خوارځواکۍ اخته ماشومانو ته د درملنې روغتیایي اسانتیاوې او ځانګړي خواړه برابروي.
دغه بنسټ پنجشنبه د لړم پر ۲۱مه په اېکسپاڼه کې لیکلي چې ماشومان د خوارځواکۍ له تشخیص وروسته تر ځانګړې روغتیایي پاملرنې لاندې راځي او درملیز خواړه ورکول کېږي.
یونیسف ویلي چې دا مرستې پر خوارځواکۍ له اخته ماشومانو سره مرسته کوي، څو بېرته روغ شي او سالمه وده وکړي.
دغه بنسټ ټینګار کړی چې د یادو روغتیایي خدماتو وړاندې کول د ماشومانو د ژوند ژغورلو او د هغوی د روغتیايي حالت د ښه والي لپاره ارزښت لري.
یونیسف له دې مخکې په یو راپور کې ویلي و چې په افغانستان کې ۳.۷ میلیونه ماشومان پر شدیدې خوارځواکۍ اخته دي.
