۸صبح، هرات: په هرات کې ځايي سرچینې وايي چې په دغه ولایت کې ورور خپله ځوانه خور وژلې ده.
سرچینو ۸صبح ورځپاڼې ته ویلي چې دا ښځه نن پنجشنبه د زمري پر ۴مه د هرات کُرخ ولسوالۍ اړوند په «قلعه بالا» کلي وژل شوې ده.
د سرچینو په وینا، دغې ښځې شاوخوا ۳۰ کاله عمر درلود او د چړو په ګوزارونو وژل شوې ده.
سرچینو زیاته کړې چې قاتل د خپلې خور له وژلو وروسته له سیمې تښتېدلی دی.
د دغې پېښې انګیزه کورنی تاوتریخوالی ګڼل شوی دی.
په هرات کې ځايي طالب چارواکو تر اوسه په دې هکله څه ویلي نه دي.
د یادونې ده چې په فراه کې له یوې میاشتې په کمه موده کې دوه ښځې وژل شوې دي.
له دې وړاندې هم په افغانستان کې د کورني تاوتریخوالي لامله ښځې اغېزمنې شوې دي.
