۸صبح، کابل: د هرات سيمهييز چارواکي وايي، تېره شپه ۱۰ بجې طالب وسلهوالو د زنده جان ولسوالۍ پر پوستو له درې اړخونو بريدونه وکړل او په پایله کې يې د يادې ولسوالۍ بازارک پوستې باندې موټر بم چاودنه وکړه.
د هرات والي د پېښې په تائيدولو سره وايي چې، ددغې پېښې له امله درې پوليسو خپل ژوند له لاسه ورکړی دی.
نوموړي زياته کړه، د طالبانو بريدونه پر شاه تمبول شوي او امنیتي ځواکونو ته د زياتو زيانونو د رسېدو مخه نیول شوې ده.
په تېرو ۲۴ ساعتونو کې د هرات ولايت په چشتشریف، اوبه، کوهزور، کشککهنه، ګلران او زندهجان ولسواليو کې د دولتي ځواکونو او طالب وسلهوالو ترمنځ نښتې شوې دي چې، تر دې دمه دواړو لورو ته د اوښتو تلفاتو څخه يوازې د زندهجان ولسوالۍ تلفات څرګند شوي دي.
طالب وسلهوالو د خبرپاڼې په خپرولو سره ادعا کړې چې دې پېښه کې ۷ امنیتي ځواکونه وژل شوي او ۵ ميله وسلې طالبانو ترلاسه کړي.
