۸صبح، کابل: د غزني ولایت په قرهباغ ولسوالۍ کې د یوې ناچاودې مرمۍ د چاودنې له امله یوه ماشوم ژوند بایللی او بل ماشوم ټپي شوی دی.
په غزني کې د طالبانو امنیه قوماندانۍ دوشنبه د لړم پر۲۴مه، ويلي چې دا پېښه د یکشنبې په ورځ شوې ده.
تر دې وړاندې، د طالبانو د پېښو پر وړاندې د مبارزې د چمتووالي ادارې اعلان کړی و چې د افغانستان ۹۰۱ کیلومتره مربع خاوره په ناچاودو مهماتو ککړه ده.
د ملګرو ملتونو د راپور له مخې، افغانستان له هغو هېوادونو دی چې د ناچاودو مهماتو د چاودنو له امله پکې د مرګژوبلې کچه لوړه ده.
د ملګرو ملتونو د سرمنشي ویاند په تلې میاشت کې ویلي وو چې د ۲۰۲۶ کال له پیله تر هغه مهاله د افغانستان په ختیځ کې له ناچاودو مهماتو سره تړلې ۶۴ پېښې ثبت شوې دي.






