روسیه وايي چې د دغه هېواد دفاعي سیسټم په یوه ورځ کې د اوکرایین ۲۳۰ بېپیلوټه الوتکې نسکورې کړې دي.
د روسیې دفاع وزارت یکشنبه د نومبر پر ۱۵مه خبر ورکړی چې دا بېپیلوټه الوتکې د سهار له اتو بجو د شپې تر اتو بجو ویشتل شوې دي.
د نوموړي وزارت په خبره، دا الوتکې په کریمیې، بلګورود، بریانسک، کورسک او تورې بحیرې کې غورځول شوې دي.
دا په داسې حال کې ده چې په دې وروستیو کې روسیې او اوکرایین پر یو بل بریدونو ته زور ورکړی دی.
