۸صبح، کندهار: سیمهییزې سرچینې وايي چې بیګاه شپه نامعلومو کسانو په کندهار ښار کې یو کس په چړو وژلی او وروسته یې ترې سر پرې کړی دی.
سرچینو یکشنبه د تلې پر ۱۹مه ۸صبح ورځپاڼې ته وویل چې بریدګرو د دغه کس له وژلو وروسته د هغه جسد د کندهار ښار د دویمې امنیتې حوزې اړوند یوه جومات ته نږدې پرېيښی دی.
د سرچینو په خبره، وژل شوی کس شاوخوا ۴۰ کلن و او هویت یې تر اوسه څرګند نه دی.
په کندهار کې د طالبانو امنیې قوماندانۍ هم د پېښې پخلی کړی خو په اړه یې نور جزییات نه دي ورکړي.
دا په داسې حال کې ده چې په دې وروستیو کې د هېواد په ځينو سیمو کې مرموزې وژنې او جنايي پېښې ډېرې شوې دي.
مخکې په ننګرهار کې ځايي سرچینو خبر ورکړی و چې ناڅرګندو وسلهوالو یو ځوان وژلی دی.
