۸صبح، خوست: په خوست ولایت کې ځایي سرچینې د یوه مدافع وکیل د وژل کېدو خبر ورکوي.
سرچینو سه شنبه، د تلې پر ۷مه، ۸صبح ورځپاڼې ته وویل چې مفتی هدایتالله هدایت نن سهار د دغه ولایت په اسماعیلخېلو ولسوالۍ کې د ناپېژاندو وسلهوالو له خوا په ډزو وژل شوی دی.
د سرچینو په وینا، تر اوسه د دغې پېښېلامل او انګېزه روښانه نه ده او طالبانو هم په دې اړه څه نه دي ویلي.
دا پېښه په داسې حال کې کېږي چې په وروستیو ورځو کې د هېواد په بېلابېلو برخو کې د هدفي او مرموزو وژنو او د جنایي جرمونو د زیاتېدو راپورونه خپاره شوي او د خلکو اندېښنې یې راپارولې دي.
