۸صبح، خوست: د خوست سیمهییزې سرچينې وايي چې په دغه ولايت کې د مخکېني پوځ يو سرتېري د اقتصادي ستونزو له کبله ځانوژنه کړې ده.
سرچینې ۸صبح ورځپاڼې ته ویلي چې دا پېښه دوشنبه د وږي پر ۱۹مه د خوست مرکز اړوند په «لاهور» سیمه کې شوې ده.
تر اوسه څرګنده نه ده چې دې مخکېني سرتېري په څه شي ځان وژلی دی.
د خوست طالب سیمهییزو مسوولانو تر اوسه په دې تړاو څه نه دي ويلي.
واک ته د طالبانو له رسېدو وروسته مخکېنیو پوځیانو خپلې دندې له لاسه ورکړې.
دوی دا مهال له سختو اقتصادي ستونزو سره لاس او ګرېوان دي.
تر دې دمخه هم په خوست کې داسې پېښې شوې وې.
تېر کال په دغه ولایت کې د مخکېني پوځ سرتېري، محمدانور د طالبانو له بندخونې تر خوشي کېدو وروسته ځانوژنه کړې وه.
