د ایرفرانس هوايي شرکت په سیمه کې د امنیتي وضعیت د دوام له امله د سعودي عربستان پلازمېنې ریاض او دوبۍ ته د خپلو الوتنو ځنډول غځولي دي.
نوموړي شرکت پنجشنبه د اکتوبر پر ۲۹مه اعلان کړی چې ریاض ته د تګ راتګ الوتنې به د ډسمبر د ۱۲مې او دوبۍ ته به د نومبر د ۷مې ورځې تر پایه ځنډیدلې وي.
رویټرز خبري اژانس راپور ورکړی دی چې د یمن د حوثیانو د بریدونو له امله د عربستان په پلازمېنه کې د هوايي ډګر نږدې ۹۰ سلنه پلان شوې الوتنې دریدلې دي.
دا په داسې حال کې ده چې په سیمه کې امنیتي کړکېچ د هوايي شرکتونو فعالیتونه او د مسافرو تګ راتګ ګډوډ کړی دی.
د یمن د حوثیانو بریدونو او د جګړې د پراخېدو په اړه اندېښنو د سیمې د الوتنو پر وضعیت اغېز کړی دی.
