۸صبح، روزګان: په روزګان کې سرچینې وايي چې طالبانو په مخکېني حکومت کې د دغه ولایت د امنیې قوماندان جنرال مطیعالله خان زوی توضیحي پيغام ته اړ کړی دی.
سرچینو پنجشنبه د لړم پر ۷مه ۸صبح ورځپاڼې ته وویل چې په روزګان کې د طالبانو د امنیې قوماندانۍ مسوولانو د جنرال مطیعالله خان زوی حاجي وحیدالله مطیع احضار کړی او له هغه یې غوښتي چې چمتو شوی پیغام د خپل اکونټ له لارې په خواله شبکو کې خپور کړي.
حاجي وحیدالله مطیع په دغه پیغام کې منلې چې طالبان یې پر کور ورغلي؛ خو ویلې یې دي چې د کورنۍ غړي یې شکنجه شوې نه دي او له هغوی سره بد چلند نه دی شوی.
سرچینې وايي چې طالبانو نوموړی پنجشنبه ماښام احضار کړی او دا پيغام یې ورته لیکلی دی.
سرچینو څو ورځې مخکې خبر ورکړی و چې طالبان د جنرال مطیعالله خان کور ته ورغلي و.
په روزګان کې د طالبانو امنیې قوماندانۍ هم دا خبر تایید کړی و او ویلې یې دي چې د تلاشۍ پر مهال یې ځينې وسلې نیولې دي.
