۸صبح، لوګر: په لوګر کې ځايي سرچینې وايي چې په دغه ولایت کې یو کس خپل ورور وژلی دی.
سرچینو یکشنبه د وږي پر ۱۸مه ویلي چې دا پېښه د لوګر خوشي ولسوالۍ په «میانهده» کلي کې شوې ده.
وژل شوی ګلاحمد نومېده او پر وژنې تورن چې ورور دی، عبدالحمید نومېږي.
سرچینو زیاته کړې چې طالبانو عبدالحمید نیولی دی.
سرچینو د دغې پېښې لامل کورنۍ ستونزې بللې دي.
د یادونې ده چې له دې وړاندې هم د هېواد په ځينو نورو سیمو کې ورته پېښې شوې دي.
