۸صبح، هرات: د هرات سیمهییزې سرچینې وايي چې په دغه ولایت کې له یو پوخعمره سړي سر غوڅ شوی دی.
سرچینو جمعه د لیندۍ پر ۲۳مه، ۸صبح ورځپاڼې ته وویل چې دا پېښه تېره شپه د هرات اوبه ولسوالۍ په «بند بنفش» سیمه کې شوې ده.
د سرچینو په وینا، دا سړی «حاجي نېکمحمد» نومېده او زیاتوي چې ۷۵ کاله عمر یې لرلو.
تر اوسه د دې پېښې انګېزه او عاملان په نه دي ډاګه شوي.
په هرات کې طالبانو هم تر اوسه په دې تړاو څه نه دي ویلي.
د ویلو ده چې هرات په دې وروستیو کې د ډېرو جنايي پېښو شاهد دی او په تېرو څلورو ورځو کې په دغه ولايت کې لږترلږه درې کسان وژل شوي دي.
