۸صبح، ننګرهار: د ننګرهار ځايي سرچینې په دغه ولایت کې د ناڅرګنده وسلهوالو له خوا د یو ځوان د وژل کېدو خبر ورکوي.
سرچینو ۸صبح ورځپاڼې ته منلې چې دا ځوان پنجشنبه د لیندۍ پر ۲۹مه، د ننګرهار د رودات ولسوالۍ په «مزینې» سیمه کې وژل شوی دی.
سرچینو د دې ځوان نوم «شهزاد» یاد کړی او ویلي یې دي چې نوموړي د طب په برخه کې زدهکړې کړې وې.
سرچینو د نوموړي ځوان د وژل کېدو د لامل په تړاو څه ویلي نه دي.
تر اوسه د دې پېښې په تړاو په ننګرهار کې د طالبانو ځايي مسوولانو هم څه ویلي نه دي.
په دې وروسیتو کې تر بل هر وخت په ننګرهار کې د جنايي پېښو ګراف لوړ شوی چې خلک یې د مخنیوي په برخه کې طالبان پر بې کفایتۍ تورنوي.
شااخوا ۱۰ ورځې مخکې هم د ننګرهار په بټيکوټ ولسوالۍ کې یو کوچنی ماشوم د خپل تره له خوا د چړو په ګوزارونو وژل شوی و.
