۸صبح، پکتیا: سیمهییزې سرچینې وايي چې ناڅرګندو وسلهوالو په پکتیا کې له طب پوهنځي یو تازه فارغ شوی ځوان ډاکټر وژلی دی.
سرچینو دوشنبه د زمري پر ۱۹مه ۸صبح ورځپاڼې ته وویل چې ناڅرګندو وسلهوالو دا ډاکټر د پکتیا حوزوي روغتون مخکې په ډزو وژلی دی.
سرچینې وايي چې وژل شوي ډاکټر له چا سره ستونزه نه لرله او د دې پېښې انګیزه هم روښانه نه ده.
سرچینې زیاتوي چې وسلهوال له ډزو وروسته له سیمې تښتېدلي.
هغوی وايي چې دا ځوان تازه له طب پوهنځي فارغ شوی و.
دا په داسې حال کې ده چې په دې وروستیو کې د هېواد په ځينو سیمو کې د جنايي پېښو کچه زیاته شوې ده.
