٨صبح، خوست: د خوست په مرکز کې د یو افغان سوداګر په مالي لګښت د ١٨٥ زره امریکایي ډالرو په ارزښت د شېخ زاید په نوم ورزشي تالار جوړ شوی دی.
سرچینو یکشنبه د سلواغې پر ۷مه، ۸صبح ورځپاڼې ته ویلي دا چې تالار د فوټسال او والیبال سیالیو لپاره جوړ شوی دی.
د سرچینو په وینا، د دې ورزشي تالار جوړونې نهه میاشتې وخت نیولی دی.
د سرچینو د معلوماتو پر بنسټ، دا تالار په یو وخت کې دوه زره نندارچیان ځایولی شي.
دا ورزشي تالار د خوست ولایت مرکز اړوند په ۱۲ سوه فامیلي سیمه کې جوړ شوی دی.
دغه ورزشي تالار د یو افغان سوداګر «اسماعېل سالار» په مالي لګښت ګټېاخیستنې ته سپارل شوی دی.
په خوست کې د ورزش مینهوالو او لوبغاړو د دغه تالار د جوړونې په پار خوښي ښودلې ده.
د یادونې ده چې د یاد ورزشي تالار د پرانیستې پر ورځ د کابل او خیبرپښتونخوا لوبډلو ترمنځ د والیبال لوبه ترسره شوې ده.
په دې لوبه کې د کابل لوبډله درې پر صفر بریا ته رسېدلې ده.
