۸صبح، کابل: ملي دفاع وزارت ویلي، د امنیتي ځواکونو د عملیاتو په پایله کې د طالبانو د ځانمرګو او موټر بمب بریدونو مسوول له ۶۲ نورو طالب وسله والو سره په هلمند کې ووژل شو.
ملي دفاع وزارت په خپره کړې اعلامیه کې د طالبانو د ځانمرګو او موټربم بریدونو مسوول د «بشیر انس» په نوم یاد کړی دی. ملي دفاع وزارت ویلي، دغه عملیات امنیتي ځواکونو د هوايي ملاتړ په لرلو سره د هلمند په لښکرګاه کېکړي دي.
د دغه وزارت د اعلان له مخې، د امنیتي ځواکونو د عملیاتو په پایله کې ۶۳ طالب وسله وال وژل شوي او ۱۷ نور یې ټپیان شوي دي.
ملي دفاع وزارت ویلي، چې د طالبانو دوه موټر او زیات شمېر وسلې او مهمات هم له منځه تللي دي.
طالبانو تر اوسه په دې هکله څه نه دي ویلي.
له څه مودې راهیسې د امنیتي ځواکونو او طالبانو ترمنځ د هلمند مرکز لښکرګاه کې شدیده جګړه روانه ده.
د دغو جګړو په پایله کې زرګونه کورنۍ بېځایه شوياو سلګونه ملکیانیې وژلي دي.
