۸صبح، کابل: د ارزګان سیمهییزې سرچینې وايي چې په دغه ولایت کې یوې ښځې خپل ورور په ډزو وژلی دی.
سرچینې ۸صبح ورځپاڼې ته منلې چې دا پېښه سهشنبه د وږي پر ۲۸مه د یاد ولایت په دهراوود ولسوالۍ کې رامنځته شوې ده.
د سرچينې د معلوماتو پر بنسټ، دې ښځې له ورور څخه د خپل خاوند د وژنې غچ اخیستی دی.
د معلوماتو پر بنسټ، دې سړي څه موده مخکې د خپلې خور خاوند وژلی و.
د خپل ورور قاتله د طالبانو له خوا نیول شوې ده.
د يادونې ده چې په ارزګان کې د کورنيو کړکېچونو له کبله جنايي پېښې ډېرې شوې دي.
د روانې میاشتې په پېل کې هم په دغه ولایت کې یو ځوان هلک د خپل ورور له خوا وژل شوی و.
