۸صبح، ننګرهار: سیمهییزې سرچینې وايي چې د ننګرهار په مرکز کې یوه ښځه ویشتل شوې ده.
سرچینو شنبه د لړم پر ۱۶مه ۸صبح ورځپاڼې ته وویل چې دا ښځه نن له غرمې وروسته د جلالاباد ښار د درېیمې ناحیې اړوند سیمې خپل کور ته نږدې وژل شوې ده.
تر اوسه د دغې ښځې د هویت او د پېښې د انګیزې په اړه معلومات نه شته.
د یادونې د چې څه موده مخکې په غور کې یوه ښځه د خپل خاوند له خوا په وحشیانه ډول وژل شوې وه.
څه وخت مخکې د بادغیس په بالامرغاب ولسوالۍ کې هم سرچینو خبر ورکړی و چې یو کس خپلې دوه وریندارې وژلې دي.
