۸صبح، نیمروز: د نیمروز سیمهییزې سرچینې په دغه ولایت کې د یو ځوان له مرموزې وژنې خبر ورکوي.
سرچینو ۸صبح ورځپاڼې ته ویلي چې دا ځوان چهارشنبه د مرغومې پر ۱۲مه د نیمروز ولایت د خاشرود ولسوالۍ په «غرغري» سیمه کې په مرموز ډول وژل شوی دی.
سرچینو زیاته کړې چې دا ځوان عبدالنذیر نومېده او ۲۸ کاله عمر درلود.
د سرچينو په وینا، دا ځوان زندۍ شوی او پر بدن يې د شکنجې نښې لیدل شوې دي.
د دې وژنې انګیزه څرګنده نه ده او په نیمروز کې طالبانو هم په دې تړاو څه ویلي نه دي.
دا په داسې حال کې ده چې سرچینو تېره ورځ په پروان او نن په هلمند کې د دوو ځوانانو د مرموزو وژنو خبر ورکړی و.
