۸صبح، هلمند: په هېواد کې د مرموزو او زنځیري وژنو په دوام، د هلمند ځایي سرچينې وايي چې په دغه ولايت کې د یو ۲۵ کلن ځوان مړى موندل شوى دى.
سرچینو چهارشنبه د مرغومې پر ۱۲مه ۸صبح ورځپاڼې ته وویل چې د دې ځوان مړی د هلمند په نهرسراج ولسوالۍ کې موندل شوی دی.
د سرچینې په وینا، دا ځوان احسانالله نومېده او په چړې وژل شوی دی.
د دې پېښې انګیزه څرګنده نه ده او طالبانو هم په دې تړاو څه ویلي نه دي.
دا په داسې حال کې ده چې سرچینو تېره ورځ د پروان په جبلالسراج ولسوالۍ کې هم د یو ځوان د مرموزې وژنې خبر ورکړی و.
